Бекер разочаран од Ѓоковиќ и од Мари

Прославениот германски тенисер Борис Бекер изјави за ТВ ЕСПН дека многу повеќе очекувал од Ѓоковиќ и од Мари во 2010 година.

Бекер нагласи дека во српскиот тенисер, како и во Мари видел играчи кои би можеле да ја сопрат доминацијата на Надал и на Федерер.

„Ѓоковиќ и Мари во последните неколку години покажаа потенцијал, но во оваа година ниту еден не напредуваше. Знам дека е тешко кога пред себе имате такви тенисери какви што се Надал и Федерер и затоа се надевам дека идната година и двајцата ќе имаат многу поголеми успеси“, изјави Бекер.