Школа за обновливи енергии во Скопје

(30.11.2010г.-09:59ч.) Факултетот за бизнис економија од Скопје во соработка со Германското друштво за соларна енергија и ГТЗ денеска отвора Школа за обновливи енергии по принципот на германските Соларни школи.
Школата, прва од ваков вид во Македонија, опфаќа различни видови обуки меѓу кои за соларна термија – загревање на вода со користење сончева енергија, добивање струја од сончевата енергија и општ курс за енергетската ефикасност во градежните објекти.
Школата за обновливи енергии располага со најсовремени наставни помагала како симулациски уред за следење, лиценцирани софтвери за симулација, мерни инструменти, термовизијска камера, примерок на целосен систем за соларно греење на вода....
Обуката ќе ја изведуваат предавачи од Германија согласно германските наставни програми и европските наставни предмети. (МИА)