Реал испадна смешен покрај Барселона

(30.11.2010г.-10:01ч.) Најголемто фудбалско дерби во светот меѓу Барселона и Реал Мадрид се претвори во циркус, откако каталонскиот гигант си поигра со богатите ѕвезди на „кралскиот“ клуб на чело со нивниот тренер Жозе Мурињо. Барселона, пред 98.000 гледачи на „Ноу камп“, славеше со 5-0 (Чави, Педро, Виља двапати и Хефран), а впечаток дека домашните можеа да му дадат гол на гостинот кога и да посакаат. Тие им ја скрија топката на противниците, кои немоќта ја покажуваа со груби и неспортски стартови кон домашните фудбалери. Можат да бидат среќни што минаа со само еден црвен картон и тоа во последната минута, кој го заработи Серхио Рамос.
Со оваа победа, Барселона го презеде водството во шпанското првенство, со два бода повеќе од големиот ривал.