Томе Аџиев партиски лустратор

БИТОЛА - „Лустраторите немаат кредибилитет да ја водат лустрацијата во државата, бидејќи сите 11 члена на комисијата се партиски војници“, обвинува Марјан Додовски, претседател на ВМРО-Народна партија.

Според Додовски, членови на комисијата даваат контрадикторни изјави за секој од предметите, во зависност од тоа чии партиски ставови застапуваат.

„Реалноста покажа дека уставниот судија изгуби со десет – нула, а другите личности, кои во јавноста требаше да бидат обелоденети како предмет за лустрирање, беа спасени со едно политичко гласање внатре во комисијата за лустрација. Претседателот на комисијата, адвокатот Томе Аџиев, работата ја врши стерео��ипски, а неговата независност е доведена во прашање. Ако сакаат да направат реална лустрација, нека ги отворат предмети пред јавноста сите “, предложи Додовски.

Лидерот на Народна тврди дека во неговата партија нема личности што би можеле да бидат лустрирани, дури ни меѓу политичарите што беа порано дел од Владата на Љупчо Георгиевски.

ВМРО-НП најави седница на Централниот комитет во Битола в сабота, на 23 октомври, Денот на македонската национална борба. Охрабрени, како што велат, од неуспесите на власта во спорот за името и социоекономска програма, ВМРО-НП изрази подготвеност за предвремени избори. (А.Б.)