Кристофер Хил ја напушти дипломатијата

Кружно парче челик, дел од жироскопот што наведува ракета во дворот на Кристофер Хил во Багдад, се наоѓа на бирото во неговата канцеларија на Универзитетот во Денвер. На ѕидот се наоѓа колекција фотографии, меѓу кои и онаа што потсетува на денот кога македонските демонстранти ја нападнаа американската амбасада во Скопје со јарболот за знаме на амбасадата.

Тој се сеќава со горчина на тој ден во 1999 година кога неговата ќерка го придружувала до амбасадата: „Тоа беше лош ’ден’, кога ќерката се носи на работа’“.

Овој 58-годишен дипломат со кариера се пензионира во август и сега е д��кан на Школата за меѓународни студии „Џозеф Корбел“ на Универзитетот во Денвер. Умерената клима и недостигот од вооружени престрелки е пријатна промена од условите во Багдад, каде што температурите се искачуваа над 40 степени Целзиусови, а нему му беше потребна воена придружба. „Доста ми е од тоа“, вели тој.

Хил планираше да и' се приклучи на Академијата откако ја напушти работата во владата и му беше понудена позицијата соработник во училиште на исток. Кога дознал дека „Корбел“ има потреба од декан тој се пријавил. „Имавме голем интерес за оваа позиција, меѓу академиците и меѓу практичарите“, вели канцеларот на Универзитетот во Денвер, Роберт Кумбер. „Но, Крис, кој има неверојатно искуство како еден од врвните дипломати, е еден вид професионалец каков што се обидуваме да создадеме од училиштето ’Корбел‘“, додава тој.

Таткото на Хил беше дипломат. По дипломирањето на колеџот „Боудуин“ во државата Меин, на отсек економија, тој им се придружил на мировните сили и работел со кредитните одбори во Камерун. За 33 години во владата тој работеше во републикански и во демократски администрации. Во администрацијата на Бил Клинтон беше амбасадор во Македонија и специјален пратеник на Косово. Тој учествуваше и во мировните преговори во Босна. Во 2000 година стана амбасадор во Полска. Во 2004 година Џорџ Буш го именуваше за амбасадор во Јужна Кореја, а подоцна помошник- државен секретар за прашањата од Источна Азија и од Пацификот. Барак Обама го именуваше за американски амбасадор во Ирак.

Америка постигна напредок во Ирак по несигурниот почеток, вели тој. „Кога се напаѓа некоја земја тоа не треба да се прави само затоа што сакате да се ослободите од диктатор. Ние не ги поставивме сите вистински прашања“. Неговите дипломатски напори му го донесоа убедувањето дека мавтањето со голем стап е помалку важно отколку умереното и јасно зборување, вели тој.

Тој критички гледа на одбивањето на администрацијата на Буш да преговара со Северна Кореја за време на првите четири години на функцијата. Буш „ја коригираше таа грешка“, во неговата втора администрација, овластувајќи го Хил директно да се состане со колегата од Северна Кореја и да преземе други мерки за да го наговори Пјонгјанг за разоружување. (Денвер пост)