Кристен Стјуарт

Семејството ме спаси од судбината на Линдзи Лохан

Кристен Стјуарт вели дека само на своето „неверојатно семејство“ може да му се заблагодари што не завршила како Линдзи Лохан. Ѕвездата на сагата за вампирите наведува дека мајка и' и татко и' и' биле голема поддршка во текот на нејзиниот експресен подем, па не потклекнала под бремето на славата.

- Моето семејство е неверојатно. Имав совршена поддршка. Штета за луѓето како линдзи Лохан, но не е нејзина вина што заврши така, како што сега е. Зашто таа е паметна, многу паметна - навела 20-годишната Стјуарт.

Но, под товарот на славата, се чини дека се прекршува и самата Кристен, која во последно време се' почесто покажува колку има слаби нерви. Така, деновиве им се нафрли на папараците, кои ја „нарушуваат нејзината приватност“ и на напорните фанови, на кои ни малку дамски им порачала: „Најдете си живот и престанете да ме фотографирате!“