Венгер под рафал, ќе мора да купува
„Добро, добро ќе купуваме“, не ги кажа директно овие зборови менаџерот на Арсенал, Арсен Венгер, но тие практично излегуваат од неговата најава дека ќе донесе две засилувања.
„Ги гледам играчите што ми се на располагање и тие се доволно добри. Заборавате дека купувавме ова лето. Чембрлејн, Џенкинсон, Мијачи“, кажа неодамна Венгер. Но, сега откако загуби од Ливерпул. Новинарите и навивачите жестоко го нападнаа, па тој ја смени плочата. Сега го интересира „ласт минит“ купувањето.
Французинот открива дека на неговата листа на желби се наоѓаат дефанзивецот на Рен, Јан Мвила, како и крилото на Лил, 20 годишниот Еден Хазард, кого медиумите веќе го прогласија за нов Кристијано Роналдо. |
