Седуммина загинати при пад на хеликоптер
Дубаи - Седум лица загинаа вчера кога хеликоптер се урнал во близина на една нафтена платформа во водите на Персискиот Залив, крај брегот на Обединетите Арапски Емирати (ОАЕ).
Како што соопшти Управата за цивилна воздушна пловидба на ОАЕ, хеликоптерот од типот „Бел 212“ се урнал на околу 90 километри од Дубаи.
Меѓу загинатите се двајца Индијци и по еден Американец, Британец, Венецуелец, Пакистанец и Филипинец.
Во соопштението се наведува дека хеликоптерот полетал од Меѓународниот аеродром во Дубаи и се упатил кон една нафтена платформа. Истражувачите моментно ги утврдуваат причините за несреќата, се дополнува во соопштението. (МИА) |
