НаJроби - Поголемиот број од жителите на провинцијата Бусара во централниот дел на африканската држава Кенија завчера прв пат во својот живот видоа и допреа снег.
Снегот, кој е невообичаена појава за тој дел од Африка, предизвика голема радост кај локалните жители, некои од нив дури почнале да го лижат за да го почувствуваат неговиот вкус.
Метеоролошкиот центар во Најроби соопшти дека оваа неочекувана појава се должи на облаците кои над територијата на Кенија биле донесени од силниот ветер што дувал од правец на Индискиот Океан. И покрај силното тропско сонце и високите температури, снегот на некои места се задржал и до 12 часа. (МИА)
