Интернет-повик за убиство на Кондолиза Рајс
Исламска Интернет-страница, која е поврзана со мрежата на терористичката Ал Каеда, објавила повик за убиство на американскиот државен секретар, Кондолиза Рајс, објави агенцијата Франс прес (АФП). „Според американскиот центар за набљудување на исламистичките Интернет-страници, во анонимниот повик, посетата на Рајс на Либија, Тунис, Алжир и Мароко, биле оценета како ’уникатна можност’ за нејзино убиство. Целта на посетата на американскиот државен секретар, непосредно пред истекот на нејзиниот мандат, на овој регион е да го одбележи еден од малкуте дипломатски успеси на претседателот на САД, Џорџ Буш. Посетата на Либија е прва посета на државен секретар на САД на оваа земја во изминативе 55 години“. (Нетпрес)
|
