Притворен полицаец поради шверц на коњи
Секторот за внатрешна контрола и професионални стандарди при СВР Куманово го приведе во полициски притвор и му поднесе кривична пријава Б.Р. (28) од Куманово, помошник-командирот на полициската станица кај Белановце, за злоупотреба на службената положба и овластување . Осомничениот помошник-командир од страна на полициска патрола е запрен со неговиот камион „застава-650“ во близина на пограничното село Ваксинце при што е констатирано дека превезува 12 коњи со сомнителна документација. Во документите за ветеринарна здравствена состојба на коњите што биле со фалсификувана дата на издавање, биле заведени 10, а не 12 коњи колку што имало во камионот поради што полицијата основано се сомнева дека се работи за обид за шверц на добиток. Утврдено е дека коњите потекнуваат од тетовското село Челопек. (Ст.Б.) |
