„Макфест“
Ноне и Бојан Маровиќ во дует
Македонската поп-пејачка Ноне Неделковска и црногорскиот интерпретатор Бојан Маровиќ ќе настапат во дует на претстојниот фестивал на забавни мелодии „Макфест 2008“ што ќе се одржи од 9 до 11 октомври во Штип. Дуото ќе настапи со темата „Без тебе нема утре“, чија музика и стиховите на српски јазик ги напиша Маровиќ, македонскиот текст е дело на Огнен Неделковски, додека продукцијата и аранжманот ги направи Младен Марковиќ.
За песната се планира и видеоспот, а по настапот на „Макфест“, Ноне ќе се посвети на финиширање на подготовките околу излегувањето на албумот „Најдоброто од...“, по што ја очекува мини-турнеја во Австралија заедно со Врчак, Тамара и Ѓоко Танески. |
