Кина
Ивана Велјановска на „Мис глобал бјути квин“
Дваесет и двегодишната Ивана Велјановска од Скопје, манекенка од модното студио „Црнокрак“, веќе две недели е во Кина, каде што утре, 27 септември, треба да настапи на интернационалниот избор за убавина „Мис глобал бјути квин 2008“, во конкуренција на уште стотина девојки од исто толку држави од целиот свет. Финалето на изборот, што ќе се случи на 27 септември, ќе се одржи во кинескиот град Нингбо.
Ивана ќе се претстави во креации на познатиот македонски моден дизајнер Ненад Секирарски, кој специјално за оваа пригода ги изработи моделите, а за нејзиниот изглед секојдневно се грижеа салонот за убавина „Мај сенс“ и фризерското студио „Ин“. |
