Само Јаќимовиќ со подобрен рејтинг
Велемајсторот Драгољуб Јаќимовиќ е единствениот меѓу десеттемина најдобри македонски шахисти со повисок рејтинг на најновата листа на ФИДЕ со важност од денеска. Олимпискиот шампион од Истанбул 2000 освои десет поени на турнирот во српскиот град Гаџин Хан што се одржа на почетокот на јуни и неговиот нов рејтинг е 2417 поени, со кои е седми на листата на Шаховската федерација на Македонија.
Иако од 1 април до 1 јули загуби девет поени, ВМ Владимир Георгиев со новиот рејтинг 2530 остана на првото место на ранкингот на ШФМ, а на листата на ФИДЕ е 593. Во минативе три месеца тој одигра 38 рејтингувани партии на натпреварувања во Германија, во Италија, во Грција и во Бугарија.
Македонски топ 10: ВМ Владимир Георгиев 2530 (-9), ВМ Никола Митков 2526 (-4), ВМ Трајко Недев 2508 (0), ВМ Звонко Станојоски 2483 (-2), ИМ Александар Чоловиќ 2441 (-2), ИМ Дејан Стојановски 2432 (0), ВМ Драгољуб Јаќимовиќ 2427 (+10), ИМ Филип Панчевски 2422 (-1), ИМ Орце Данчевски 2411 (0) и ВМ Влатко Богдановски 2399 (0). (Р.Д.) |
