Седуммина загинати за локалните избори во Турција
Истанбул – Најмалку седум лица се загинати, а близу сто повредени во пресметките во југоисточна Турција за време на неделните локални избори.
Како што јави дописникот на Макфакс, тешки инциденти се регистрирани во руралните општини на југоистокот од Турција во пресметките на ривалските групи околу имињата на кандидатите за селски Мухтари и претседатели на општини. Победник на изборите е владејачката Партија на правда и напредок (АКП) на актуелниот премиер Реџеп Таип Ердоган, која забележа благо назадување од 2,5 отсто во споредба со изборите од 2004 година.
АКП освои 39 проценти од местата во градските собранија, победувајќи во големите градови Истанбул и Анкара и во најголем број на општините во Анадолија. На второ место со 23 проценти е Републиканската народна партија (ЏХП) на Дениз Бајкал со освоен Измир и речиси цела Источна Тракија. (Макфакс) |
