Геј опериран и ја заврши сезоната
Светскиот вицешампион на 100 метри, Тајсон Геј од САД, беше подложен на артроскопска интервенција врз неговиот повреден десен колк и повеќе нема да се натпреварува годинава, соопшти неговиот менаџер Мајк Ветмор. Вториот најбрз човек по Јусеин Болт беше опериран во вторникот во Вејл, Колорадо.
„Докторот е задоволен со резултатите од операцијата и верува дека Тајсон ќе им се врати на тренинзите во подготовките за сезоната 2012“, изјави Ветмор.
Често повредуваниот Геј се надеваше дека ќе се трка со Болт на Светското првенство во август, но беше принуден да се повлече од полуфиналето на 100 м на американските мундијалски квалификации минатиот месец поради повреда на колкот. Тој сега ќе се концентрира на заздравувањето и на подготовката за Олимпијадата во Лондон в година, како и на очекуваната пресметка со Болт. |
