Прилепска пиварница почна да го позлатува животот

Прилепска пиварница најавува започнување хуманитарна акција, која има цел да ги поттикне граѓаните да даваат идеи за што е потребно да се донираат средства.

Акцијата се организира по повод одбележувањето 30 години на брендот „пепси“ во Македонија и 10 години од првиот „златен даб“.

Секој индивидуалец или невладина организација има право да пријави свој проект, каде што граѓаните ќе може да гласаат за идеите.

Самата компанијата ќе донира средства за најдобрите три идеи во делот на здравјето, образованието, екологијата, спорот и културата.

„Како општествено одговорна компанија сакаме да ги поттикне граѓаните на најголемата социјална активност за да направиме нешто добро за нас, за нашата заедница, за нашата иднина. Со секој купен производ на „Прилепска пиварница“ донираме за наше подобро утре“, изјави генералниот директор на Прилепска пиварница, Сашко Самарџиоски. Пејачот Влатко Лозаноски е лицето што следните шест месеци ќе ги поттикнува граѓаните на Македонија активно да се вклучат во кампањата и да придонесат за успешна реализација на проектот. (А.С.)