АНЏЕЛИНА ЏОЛИ

Се откажа од снимањето во Сараево

Славната холивудска актерка Анџелина Џоли, наводно, се откажала од снимањето на своето режисерско првенче „Безимена љубовна приказна“ во Сараево. Камерите ќе ја забележат само панорамата на градот, а сцените, кои требало да се снимаат во Босна и Херцеговина, ќе се снимаат во Будимпешта. До ваков пресврт на настаните дошло поради тоа што министерот за култура и спорт на БиХ, Гаврило Граховац, ја повлекол одлуката на Анџелина да и' се дозволи снимање, па повторно одобрил.

Се' почнало со негодувањето на Бакира Хасечиќ и нејзиното здружение „Жени, жртви на војната“, поради спорното сценарио во кое силуваната Бошњачка се вљубува во Србинот што ја силувал. Граховац го добил сценариото и неколку дена потоа дал одобрение за снимање. Тоа, наводно, ги разлутило холивудските продуценти што при посетата на Сараево пред десетина дена избришале неколку локации предвидени за снимање, а сега повеќето други сцени, веројатно, ќе ги снимат во Будимпешта, каде што филмот веќе се снима од крајот на септември.