Настап

Ѓорѓе Балашевиќ доаѓа со сопругата во Скопје

Легендарниот Ѓорѓе Балашевиќ на 12 и 13 февруари идната година доаѓа во Скопје заедно со својата сопруга Оливера во едно сосема поинакво издание, со музичко-филмскиот спектакл насловен „Као рани мраз“.

Главните улоги им се доверени на Мустафа Надаревиќ, Никола Ѓуричко, Војин Четковиќ, Мира Бањац и Мето Јовановски, додека сопружниците Балашевиќ се јавуваат како продуценти и режисери на филмот.

Организатор на дводневниот музичко-филмски спектакл е „Авалон продукција“. Оттаму најавуваат дека специјално за таа пригода спортската сала „Борис Трајковски“ ќе биде адаптирана само за седење. Влезниците за концертот, како и блок-влезниците за два дена ќе бидат пуштени во продажба од 15 декември, а сите детали околу сцената следуваат наскоро. Организаторите потенцираат дека влезници само за проекцијата нема да се продаваат, а истовремено најавуваат и прес-конференција во декември на која ќе присуствуваат Ѓорѓе и Оливера Балашевиќ. (К.Ш.)