Концерт на Мартин Вучиќ
Звуците на Македонија - нејзино богатство
По летната промоција на албумот „Звуците на Македонија“ во Античкиот театар во Охрид, Мартин Вучиќ и неговиот пер-оркестар завчера во Универзална сала, Скопје, направија концерт за паметење. Стари македонски песна и ора со нов аранжман, чиј потписник е Живоин Глишиќ, со сите перкашн-инструменти во акција, уште еднаш не' потсетија колку е убава нашата фолк-традиција.
Посебен акцент на атмосферата и емоциите на публиката во Универзална се постигна кога на видеобимот беа прикажани снимки на Пеце Атанасовски, дедото на Мартин, додека тој го изведуваше „Јанино оро“, првото оро што го научил од деда си. Се очекува албумот со овие изведби да биде објавен по Нова година. |
