Бензините поевтинуваат за 2,5 денари
Малопродажните цени на бензините од вчера на полноќ се намалуваат за 2,5 денари, а на дизелите поевтинуваат за еден денар и на екстралесното гориво за половина денар. Вака одлучи Регулаторната комисија за енергетика на Македонија на редовната седница посветена на корекција на цените на нафтените деривати. Ова е прво поевтинување на цените на нафтените деривати, по периодот на континуиран раст во последните месеци.
Согласно со одлуката, новата цена на еуросупер-95 изнесува 60,50 денари за литар, на еуросупер-98 е 61,50 денари за литар, на еуросупер БС-95 е 62 денари за литар и на еуросупер БС-98 изнесува 63,50 денари за литар.
Новата малопродажна цена на еуродизел (Д-Е ИВ) изнесува 48,50 денари за литар, на еуродизел (Д-Е В) 49 денари за литар, а на екстралесното масло за домаќинство (ЕЛ-1) 38 денари за литар.
Малопродажните цени на мазутот М-2 и на мазутот М-1 НС се намалуваат за 0,267 денари за килограм, односно за 0,275 денари за килограм. Така, цената на мазутот М-2 изнесува 24,407 денари за килограм и на М-1 НС изнесува 25,937 денари за килограм. (Макфакс) |
