Насловна

Предупредувачки звучен сигнал

Звучен сигнал ќе ги предупредува корисниците дека бројот кон кој вртат е пренесен на друг оператор, со што ќе имаат увид за своите трошоци. Агенцијата за електронски комуникации информира дека ваквата опција беше предвидена со измените на Правилникот за преносливост на броеви. Моментно кај некои оператори сигналот е пуштен во употреба и се тестира, а целосната имплементација на измените од Правилникот треба да се реализира во септември оваа година. Со помош на звучниот сигнал, кој има цел да го информира претплатникот дека избраниот број е пренесен и можеби остварува поскап разговор, крајниот корисник ќе биде максимално заштитен од превисоки сметки. (Ек.Р.)