Промоција на Собрани дела од Васил Куноски

Издавачкиот центар „Три“ денеска во 14 часот во ресторанот „Воденица“ организира свеченост по повод промоцијата на Собраните дела на доајенот на современата македонска литература за деца, Васил Куноски.

Во своето долгогодишно творештво, поетот и писател Васил Куноски остави зад себе завиден книжевен опус, што за првпат се објавува во целост во ова тритомно издание.

Објавувањето на „Собрани дела“ е проект кој пред се има едукативен карактер и сите отпечатени книги ќе бидат подарени на училиштата и библиотеките ширум Македонија со цел да се збогати нивниот книжевен донд.

Тритомното издание ќе го промовира Весна Мојсова-Чепишевска, а предвидено е да учествуваат и претставници од хорот на „Златно славејче“. (Н.П.)