Деведесет дела конкурирале за наградите на ДПМ

За традиционалните награди на Друштвото на писателите на Македонија годинава конкурираат околу 90 дела од областа на прозата, поезијата, литературната критика и литературата за деца.

До крајот на месецов, до кога и трае конкурсот на ДПМ, ќе биде утврден дефинитивниот број на книгите што претендираат за еснафските признанија за 2010 година: наградата „Ацо Шопов“, за најдобра стихозбирка, „Стале Попов“ за прозна книга, „Димитар Митрев“ за критика и „Ванчо Николески“ за најдобра книга за деца. Одлуките за наградите ќе ги донесат четири жири комисии од по три члена. Наградите се состојат од плакети и паричен износ од по 20.000 денари. (Н.П.)