Палермовиот Зидан го урна Јуве

Палермо до првата победа сезонава дојде на вистинско место - на гостувањето кај Јуве 3:1. На овој меч блесна фантастичниот 21 годишен играч од средниот ред Хавиер Пасторе, кого селекторот на Аргентина Диего Мардона го држеше на клупа во Јужна Африка. Тој го заби првиот гол уште во втората минута, а асистираше при вториот на Иличиќ и постојано го држеше Јуве озбезглавено.

За Пасторе бившиот селектор на Аргентина Карлос Билардо вели: „Тој е прототип на модерен режизер на играта. Ме потсеќа на Гаскоњ, Рикелме или Верон. Секогаш сум бил заљубен во десетките, и играв со нив кога можев, како Марадона или Буручага. Пасторе е играч на иднината. Создаден е за големи нешта“, вели Билардо.