Мурињо: Реал уште не чини, ама Барса е страшна

Португалскиот стручњак Жозе Мурињо со неговиот Реал ужива на првото место во шпанската Примера по одиграните воведни четири кола.

Од можните 12 бода Мурињо и Реал собраа десет, а да потсетиме дека мадриѓаните славеа и на стартот од Лигата на шампиони (Ајакс 3:0).

Мурињо, пак, не е одушевен од Реал: „Се' уште мојот Реал е во потрага за идентитет. Тоа е една од најбитните работи во развојот на еден фудбалски тим, а ние уште го немаме“.

Португалецот додаде дека главниот противник на Реал е супер квалитетен: „Барселона за мене е, сепак, фаворит во Примера и Лигата на шампиони. Баш се страшни“, заклучи Мурињо.