Годишен концерт на „Ребис“
Традиционалниот годишен концерт на балетското студио „Ребис“ е закажан за утре, 13 јуни во летната дискотека „Хард-рок“ во 21 часот. Младите играчи од „Ребис“ ќе се претстават со кореографии од сите стилови и техники што ги изучуваат во студиото: џез-балет, стрит-денс, лиричен џез, хип-хоп, танго и ориентален танц.
Кореографи на овој настан се Андријана Атанасова, Емилија Симовска, Агим Бафтиу и Гордана Деан Поп Христова. На сцената во „Хард-рок“ ќе настапат над стотина изведувачи, од најмали на возраст од пет години до професионални играчи. Традиционално, годишниот концерт е и завршен испит на членовите на „Ребис“, кои се стекнуваат со диплома за одреден степен, додека најталентираните добиваат можност да преминат во професионална група. |
