Одлука за „Копаница“ има, но не се соопштува

Врховниот суд по минатонеделната одржана јавна седница, донел одлука за случајот „Копаница“, но таа ќе биде соопштена идната недела. Според претседателот на Врховниот суд, Јово Вангеловски, одлука за осудените за четирикратното убиство во скопското село Копаница е донесена, но Судскиот совет уште еднаш треба да ја разгледа и да го донесе финалното решение.

Сабри, неговиот брат Фатмир Шерифи и нивниот татко Митат Шерифи поднесоа жалби до Врховниот суд на пресудата донесена на 19 март минатата година. Со неа, двајца обвинети беа осудени на максимална затворска казна, а еден на казна затвор во траење од 10 години. Изречената пресуда беше потврдена и од Апелациониот суд.

Четирикратното убиство се случи во октомври 2007 година кај селските гробишта, каде што двајца од браќата Шерифи го пресретнале и пукале во Зија Јусуфи(32). По убиството на Јусуфи, бил нападнат и домот на семејство Јашари, каде што биле застрелени уште тројца. (Љ.С.)