Последен збор

Ристо Давчевски

1935-2009, писател

По тешко боледување, вчера во Скопје почина писателот Ристо Давчевски. Давчевски е роден во селото Долни Дисан, Тиквешко, на 6 март 1935 година. Студирал на Филозофскиот факултет, а на македонската литературна и културна јавност Давчевски и е познат како поет, раскажувач, романсиер, драмски автор и писател за деца. Работниот век го минал како уредник во Македонското радио, а зад себе остави голем број дела, како: „Дождовни капки“, „Далечна прошетка“, „Дремко и спанко“, „Бескрајна приказна“, „Волшебната сликовница“, „Собир на враните“, „Раните на љубовта“, „Старецот со дамкаво лице“, „Внукот на Итар Пејо“, „Мачори на панаѓур“, „Сонети за мама“, „Маршот на елените“, „Сказни за басново“, „101 басна“ и други. Давчевски е член на Друштвото на писателите на Македонија од 1971 година. (Н.П.)