Модна ревија на шест странски модни дизајнери

Во петокот вечерта во рамките на скопското Биенале 2009, во фоајето на Македонската опера и балет се одржа голема модна ревија, на која со свои креации се претставија шест модни дизајнери од странство: Мохамед Кнафаги од Египет, Сара Клер Дојл од Шпанија, Томислав Ѓорѓевиќ од Хрватска, Едина Хаџиќ од Босна и Херцеговина, Мигуел Анхел Алдегуер од Шпанија и Витор Бастос од Португалија. Моделите на странските креатори беа презентирани пред скопската публика од манекени на Модното студио „Црнокрак”. Ревијата беше поздравена со овации од многубројната модна публика.