„Филиграни 2009“ - шеснаесетти пат на 18 септември

Традиционално водител и сценарист ќе биде Катерина Стојановска-Десковска

На 18 септември (петок) во салата на Домот на АРМ во Скопје ќе се одржи Интернационалниот фолк-фестивал ,,Филиграни 2009“, со директен ТВ - пренос на МРТ, Собраниски канал, со почеток во 21 часот. ,,Филиграни 2009“ ќе се емитуваат репризно, в недела, 20 септември, на Првиот програмски сервис на МТВ во терминот од 15 часот.

Традиционално водител и сценарист ќе биде Катерина Стојановска-Десковска.

Според програмата, во почетокот ќе биде изведена најслушаната песна меѓу два фестивала ,,Колку чини тагата“, во интерпретација на Блага Петреска, напишана од Миле Барбаровски и Ели Танасковска.

Во натпреварувачкиот дел годинава ќе настапат дваесетина учесници, како што се Блага Петреска, Гоце Арнаудов, Петар Нечоски, Благица Павловска, Сузана Спасовска, Новица Василевски, Татјана Лазаревска, Жаклина Узунова, Даниела Темелковска, Круме Спасовски, Вики Среброва, Влатко Вучков, Ани Малинкова, Сузана Гавазова и други.

Во паузата за гласањето ќе се одржи шоу-програма со Благица Павловска и Гоце Арнаудов.