Концерт на Македонската филхармонија

Македонската филхармонија вечерва во Домот на АРМ, со почеток во 20 часот, ќе ги изведе бисерите на светската музичка ризница, делата: „Музика на вода“ од Георг Фридрих Хендл и прекрасната симфониска свита „Шехерезада“ од Николај Римски Корсаков. Диригент е Емил Табаков од Бугарија, а солистката Мелина Тодоровска на обоа д аморе ќе го изведе „Концертот за обоа д аморе“ од Јохан Себастијан Бах.

Љубителите на класичната музика ќе можат да уживаат во прекрасните празнични звуци на „Музика на вода“, како и во ориенталното музичкото патување низ приказните на Шехерезада од 1001 ноќ. (Н.П.)