„Пиксказни“ изложба на Ладислав Цветковски
Под наслов „Пиксказни“ вечерва во Музејот на град Скопје во 20 часот ќе биде отворена самостојна изложба на македонскиот графичар Ладислав Цветковски, на која ќе биде претставен најновиот авторов проект, сочинет од пет дела, изработени во техника дигитален печат на платно. Публиката ќе има можност да ги види посебните пиксказни сочинети во триптисите „Круг“ (сочинет од 6 дела), „Глобализација во сино“ и „Чет“, трилогијата „Заслепено“, „Задушено “ и „Замолчено“, како и делото „Далечински управувач“.
Ладислав Цветковски интензивно работи и ги истражува технолошките и изразните можности на електронските медиуми, а во последно време се фокусира на дигиталната теехнологија која ја користи како свое изразно средство во ликовната уметност. Работи како универзитетески професор и графички дизајнер.
Дипломирал и магистрирал на Факултетот за ликовни уметности во Скопје, а минатата година бил на усовршување од областа на теоријата на боја и метрика на Универзитетот во Марибор, Словенија. (К.Б.) |
