Скопје домаќин на собранието на светската театарска мрежа „InterACT“
Младинскиот културен центар, во чии рамки 34 години се одржува Интернационалниот театарски фестивал МОТ, како и новоотворениот Градски театар Скопје, ќе биде домаќин на основачкото собрание на новата светска театарска мрежа „InterACT“, во која ќе членуваат над 15 земји од светот. Основачкото собрание на „InterACT“ ќе се одржува во Скопје од 15 до 17 март. Во овие денови гости ќе бидат директори на театри и фестивали од: САД, Чешка, Полска, Бугарија, Турција, Англија, Литванија, Косово, Франција, Црна Гора, Литва, Италија, Албанија, Кореја, Грузија, Словенија, Романија, Хрватска и Македонија.
Фестивалот МОТ, всушност, е носител и лидер на оваа идеја и во наредните четири години канцеларијата на светската мрежа „InterACT“ ќе биде во Скопје. (К.Р.)
|
