Тешка победа на МЗТ Скопје во Куманово

МЗТ Скопје дури во последната четвртина успеа да го скрши отпорот на домаќинот Куманово, кој во првите 30 минути беше наполно рамноправен противник. Во тие последни 10 минути гостите префрлија во поголема брзина и славеа со 22:14 за конечна победа од 85:77. Најефикасни кај МЗТ беа Јане Петровски со 20 коша и Кирил Николовски со 19, додека кај домаќините беа Дарко Матиќ со 26 и Никола Радојчиќ со 16.

Резултати од 5. коло во кошаркарскиот шампионат: Овче Поле - Торус 60:88, Фени И. - Ултимејт баскет 102:71, Струмица - Пелистер 78:71, Куманово - МЗТ Скопје 77:85. Лирија - Работнички играа вчера.

Табела: Фени И. 5/0, Работнички 4/0, МЗТ Скопје 4/1, Ултимејт баскет 3/2, Торус 3/2, Овче Поле 2/3, Струмица 2/3, Пелистер 1/4, Лирија 0/4, Куманово 0/5.