Три медали за Македонија

На Светското првенство во Австрија кугларите на Македонија освоија еден сребрен и два бронзени медала

Миодраг Мицковиќ



Македонските куглари постигнаа голем успех на штотуку завршеното Светско првенство во австрискиот град Ризинг. Се враќаат со три освоени медала, сребрен и два бронзени што е навистина голем успех, над очекувањата. Како што веќе напишавме, првиот медал, сребрен, го освои тандемот Дамир Фучкар и Леонарда Мајер, додека двете бронзени медали му припаднаа на нашиот најмлад претставник Бранко Манев, кој во текот на оваа година стана светски јуниорски првак. Одличната годишна сезона ја потврди и на Сениорското светско првенство освојувајќи два бронзени медала, во спринт и во комбинација. Пред него во комбинација се светскиот рекордер Србинот Вилмош Заварко и Унгарецот Немеш.

До бронзен медал во спринт Бранко Манев стигна најпрвин со победите против Киш (Унгарија), Грубер (Австрија), Иксар (Естонија), а во полуфиналето загуби од Немеш (Унгарија).

Во спринт настапи и Костадин Манев, инаку чичкото на Бранко и двете наши кугларки Леонарда Мајер и Данче Гиевска.

К. Манев добро стартуваше, го победи во првото коло Чехот Јирошек, но потоа „заглави“ и загуби од Тепша (Србија). Мајер и Гиевска беа елиминирани уште на стартот. Мајер загуби од Франк (Австрија), а Гиевска беше поразена во мечот со Барач (Србија).