Хрватскa оди кон катастрофа

Загреб – „Хрватска оди директно кон катастрофа“, изјави гувернерот на Хрватската народна банка, Жељко Рохатински.

„Зборот катастрофа можеби е пресилен, но правецот и трендот на движење е јасен. Претседателот на Европската централна банка, Жан-Клод Трише, ми рече дека со ваков раст на трошоците на трудот и на фискалниот дефицит, во комбинација со стабилниот курс, земјата оди директно во катастрофа“, потенцира Рохатински.

Тој дообјаснува дека пораката на Трише не стигнал да и' ја пренесе на Владата, бидејќи не бил во можност да го стори тоа, затоа што веќе подолго време нема контакти со министрите и со премиерката. „Имајќи го предвид степенот на евроизираност на вкупната економија, како и висината на надворешниот и девизно индексираниот домашен долг, стабилниот курс нема реална алтернатива“, изјави Рохатински, додавајќи дека со ваквата фискална политика, Хрватска може да издржи уште можеби една година. (МИА)