Кошаркарките на САД светски првенки

Женската кошаркарска репрезентација на САД ја освои титулата светски првак, откако во финалето во Карлови вари ја совлада Чешка со 89:69.

Најзаслужни за победата на американската репрезентација беа Ејнџел Мекоутри кои постигнаа по 18 коша, Дајана таурси додаде 16, а Су Бирд мечот го заврши со 11 поени.

За кошаркарките на САД ова е осма титула првенки на светот. САД оваа година го „обединија“ титулите светски кошаркарски шампиони во машка и во женска конкуренција. Минатиот месец кошаркарите на САД го освоија златото на Мундобаскетот во Турција.

Третото место им припадна на кошаркарките на Шпанија кои во борбата за бронзата ја совладаа Белорусија со 77:68.

Во првата петорка на турнирот се избрани Хана Хоракова и Ева Витекова (Чешка), Дајана Таурси (САД), Санчо Литл (Шпанија) и Елена Леучанка (Белорусија).

Брајант: Леброн би го победил спиејќи!

Прашањето со кое љубителите на НБА-кошарката се занимаваат со години е, кој во моментов е подобар играч. Дали е тоа Коби Брајант или Леброн Џејмс?

Иако не е чесно целата НБА-лига да ја сведеш на само две имиња, факт е дека многу нешта се вртат околу двојниот МВП на лигата Леброн Џејмс и двојниот едноподруго МВП на истата лига Коби Брајант.

Запрашан кој би победил во евентуалниот дуел еден на еден Брајант самоуверено изјави: Јас би победил, тоа е сигурно. Тоа е она што јас го работам. Знаете, мене ми е лесно да играм еден на еден, играјќи на тој начин и израснав, така играм и денеска. Леброн Џејмс со својот стил на игра повеќе наликува на Меџик Џонсон, сјајно асистира и ги игра натпреварите полнејќи ги статистичките редови. Би го победил спиејќи.

Бузер ја скрши раката, осум недели пауза

Летното засилување на Чикаго Булс, крилото Карлос Бузер, ја скрши десната рака, беше опериран и ќе отсуствува од паркетите осум недели.

Карлос Бузер, најзвучното засилување на многу интересниот летен преоден рок раката ја скрши откако се сопна од спортската торбица во својата куќа. Бузер потпиша петгодишен договор со Чикаго вреден околу 75 милиони долари и треба да е клучен дел на петорката на Булси заедно со Дерек Рос и Јоаким Ноа. Се очекува во почетокот на сезоната да го замени тај Гибсон кој минатата година како новак стартуваше во 70 меча со просек од девет поени и 7,5 скока по натпревар.