Голманите јунаци во дербито за Италија

Интер и Јувентус ремизираа без голови во последниот меч од 6. коло во Серија А, Лацио нов лидер, Рома на дното

Долгоочекуваното Дерби д’Италија, за многумина дуел на главните сезонски конкуренти за шампионската титула во Калчо-лигата, Интер и Јувентус, не донесе победник. На „Џузепе Меаца“ во Милано екипите ги поделија бодовите во меч без голови, но со огромен број прилики на обете страни од кои голманите Жулио Цезар и Марко Сторари излегоа како херои. Нероазурите се втори на табелата и имаат два бода помалку од Лацио, додека Јувентус моментно е седми и полека се движи кон врвот. Горан Пандев, поради повреда, го пропушти натпреварот (не беше ниту на клупата за резервни играчи), а неговото место во стартниот состав му припадна на младиот Кутињо.

На врвот смена. Нов лидер е тимот на Лацио по триумфот на Бреша со 1:0, градскиот ривал, Рома, забележа ново разочарување (загуби на гостувањето кај Наполи со 2:0) и падна на самото дно на табелата. Важни три бода и за Џенова во средбата со Бари, Фиорентина, пак, со поразот од Палермо ја продлабочи кризата во која се наоѓаат „виолетовите“ веќе подолг период.

Серија А, 6. коло

Резултати: Интер - Јувентус 0:0, Наполи - Рома 2:0, Фиорентина - Палермо 1:2, Џенова - Бари 2:1, Киево - Калјари 0:0, Болоња - Сампдорија 1:1, Лече - Катанија 1:0, Лацио - Бреша 1:0, Парма - Милан 0:1, Удинезе - Чезена 1:0. Табела: Лацио 13, Интер 11, Наполи 11, Милан 11, Киево 10, Бреша 9, Јувентус 8, Палермо 8, Катанија 8, Џенова 8, Бари 8, Лече 8, Калјари 7, Сампдорија 7, Болоња 7, Чезена 7, Фиорентина 5, Парма 5, Рома 5, Удинезе 4.

Идно коло



Сабота (16.10.2010 год.): Милан - Киево (18 ч.), Ром�� - Џенова (20,45 ч.)

Недела (17.10.2010 год.): Калјари - Интер (12,30 ч.), Сампдорија - Фиорентина (15 ч.). Јувентус - Лече (15 ч.), Катанија - Наполи (15 ч.), Чезена - Парма (15 ч.), Бреша - Удинезе (15 ч.), Палермо - Болоња (15 ч.), Бари - Лацио (20,45 ч.).