Рајх го уништи Свиндал и осигура луда завршница
Уште еднаш како голем скијач се покажа Бенјамин Рајх, кој со победата во последната велеслаломска трка сезонава дојде до само два бода минус во однос на Аксел Лунд Свиндал. Така во денешната слаломска трка во Оре има голема шанса да триумфира во конечниот пласман. Како што е познато Свиндал не е баш вешт во слаломот, па и нему му е јасно дека на Рајх треба да му се случи голем пех па тој да остане на првата позиција.
Голема причина за радост имаше и Дидие Куш, кој на крајот со третото место се закити со Малиот кристален глобус во велеслаломот. Куш немаше среќа во првата трка. Имено уште на стартот му падна едниот стап, но храбро се спушти по патеката и мина низ целта со 86 стотинки заостанување во однос на Рајх, доволно за третото место. Во втората трка Куш успеа да остане на таа позиција и тоа со само две ститинки подобро време од Гранж.
Велеслалом (Оре)
1. Бенјамин Рајх (Авс) 2:18,95
2. Тед Лигети (САД) +0,13
3. Дидие Куш (Шва) +0,71
Вкупен порердок - велеслалом
1. Куш 474
2. Рајх 462
3. Лигети 421
Вкупен поредок СК
1. Свиндал 1009
2. Рајх 1007
3. Куш 919 |
