Хуго Чавез затвори четири банки

Каракас - Во Венецуела се затворени четири приватни банки откако пред два дена претседателот Уго Чавес се закани со национализација на финансиските институции што нема да го помагаат развојот на земјата.

Збунетите службеници на банките и вложувачите се собраа во понеделникот пред седиштето на банките што останаа со затворени врати по изјавата на министерот за финансии, Алија Родригес, кој го најави нивното затворање поради „интерни неправилности во работењето“, јави Танјуг.

Во спомнатите четири банки се наоѓа само шест отсто венецуелски депозит. Нивниот сопственик, богатиот бизнисмен Рикардо Фернандес, кој беше во тесна врска со владата, се наоѓа во притвор, а судот и' забранил на група од 16 негови најблиски соработници да ја напуштат земјата. (МИА)