Ана Курникова
Се мажи за Енрике Инглесијас
Славната тенисерка Ана Курникова и популарниот пејач Енрике Инглесијас неодамна се свршиле, а згодната тенисерка им го покажала на фоторепортерите скапоцениот дијамантски прстен.
За време на тениската манифестација „Светски тим тенис“, Ана прв пат во јавноста го покажа прстенот. Иако на теренот се играле интересни мечеви, погледите биле свртени во прстенот со кој Енрике ја побарал Ана.
Меѓутоа, на новинарското прашање дали тоа е прстен за свршувачка, Ана прво се збунила, ја скрила раката на која бил прстенот, а потоа се насмеала и рекла: „Мислев дека ве интересира мојата игра, а не мојот приватен живот“.
Руската убавица и атрактивниот пејач се забавуваат од 2002 година, од снимањето на спотот на Енрике„Ескејп“, во кој се појави згодната тенисерка. Нивната седумгодишна врска беше и повеќе од турбулентна. Во 2007 година Енрике на шега изјавил дека раскинал со Ана, но тенисерката ваквата изјава ја налутила и ја прекинала врската. Неколку месеци подоцна, Енрике е виден во друштво на манекенката Даниел Лојд. Во декември истата година Енрике и Ана повторно се појавија заедно, но овој пат тенисерката на себе имаше прстен. Новиот заплет се случи во ноември минатата година: Ана и Енрике прекинаа, затоа што пејачот во куќата чувал многу кучиња. Тенисерката го исфрлила надвор, заедно со кучињата. Од почетокот на оваа година, парот е повторно заедно, а од неодамна се и свршени. |
