„СУНЧАНЕ СКАЛЕ 2009“
Калиопи и Наум - победници, Македонците триумфираа
По завршувањето на фестивалот „Сунчане скале“ во Херцег Нови, во вторникот на 8 јули, песната „Рум, дум, дум“ (Кире Костов - Калиопи) е Песна на летото за Балканот во 2009 година, а нејзините изведувачи Калиопи и Наум Петрески официјално се победници на годинешното фестивалско издание.
Жирито на песната „Рум, дум, дум“ и' додели 78 поени, а второто место им припадна на Ристо Самарџиев и Зоран Џорлев, кои со нивната песна „Бел лебед“ освоија пет помалку поени од Наум и Калиопи.
Третото место го зазеде еден македонско-српски дует, Маја Оџаклиевска и Никола Буровац, со песната „Украдени бакнежи“.
Како илустративно дополнение на доминацијата на Македонците на годинешниве „Сунчане скале“ беше настапот на Влатко Илиевски, кој настапи со песната „Најбогат“ и се пласираше на 14. место.
Во првата вечер на новите ѕвезди, „Роџер брадерс“ со композицијата „Пинк“ го освоија петтото место, а битолчанката Јасмина Димитровска се пласираше на 12. место.
Годинешниве „Сунчане скале 2009“, дефинитивно, го одбележаа Македонци, и ова е прв случај македонски изведувачи да ги заземат сите високи позиции на еден странски фестивал. |
