Миша Бартон
Дебела поради нездравиот живот
Јо-јо ефектот, симнување, па качување на килограмите, не ја поштеди актерката Миша Бартон.
Откако се појавила на отварање на еден бутик во Лондон, бледа и потечена, многу зли јазици одлучиле да проговорат за нездравиот начин на живеење на Миша Бартон. Додека едни тврдат дека е поправена поради алкохолот и брзата храна, други тврдат дека тоа е реакција на изваден заб.
„Откако прекина со момчето, Миша започна неконтролирано да пие и да се храни со брза храна. Сите пријатели и' зборуваа дека тоа не е решение за проблемот, но таа едноставно не слуша - изјавил непознат извор за „Дејли мејл“.
„Често знаеше цел ден да не јаде, да отиде на забава, да се напие и потоа да јаде брза храна пред спиење“, додал изворот, додека 23-годишната глумица се' уште не дала изјава за ова прашање.
Миша во почетокот на годината често беше во центарот на вниманието поради анорексичниот изглед. Таа тогаш изјавила дека се чувствува одлично, а сега, само неколку месеци подоцна, се промени до непрепознавање.
„ Во човечката природа е да бидеме самокритични, но е можно да се сакаме такви какви што сме. Сега сум многу среќна и никогаш не би го менувала своето тело“, изјавила Миша во јануари, кога имала 40 килограми. |
