Струмица пуст остров за инвестиции

СТРУМИЦА - Владата продолжува со игнорантскиот однос кон Струмица која останува пуст остров во Македонија кога станува збор за владините инвестиции, обвинија вчера од општинската организација на СДСМ во Струмица.

Според нив, Никола Груевски и неговите послушници како да се алергични на името Струмица, па се прават глуви и неми кога согласно нивните ингеренции, треба да одговорат на потребите на струмичани. Владата и Министерството за образование за изградба и реконструкција на основни и средни училишта во Македонија од државниот буџет за 2011 планираат да потрошат 250 милиони денари или над 4 милиони евра, но за училиштата во Струмица нема одвоено ниту денар. (Е.П.)