Тутунарите пак ќе протестираат

ПРИЛЕП - Нови протести најавуваат пелагониските тутунари. Тие се незадоволни и од откупните цени, и од тоа што не им се откупуваат сите произведени количества тутун. Производителите се закануваат дека повторно ќе го изразат револтот поради игнорантскиот однос на откупните фирми, Владата и Министерството за земјоделство.

„Со исклучок на ’Тутунски комбинат’, сите други фирми го откупуваат тутунот по просечна цена од 100 денари за килограм, или двојно помалку од цената на која инсистираме - 192 денари. Оваа цена се постигна за минатогодишната реколта, а беше со 40 проценти помал квалитет во однос на годинешната. Не можеме повеќе да ги смируваме тутунарите. Тие инсистираат да ги продолжиме протестите, бидејќи на терен не е исполнето ниту едно од барањата доставени до Владата и до Министерството за земјоделство“, изјави Сашо Јорданоски, член на Штрајкувачкиот одбор на пелагониските тутунари.

Според Јорданоски, единствено прилепскиот „Тутунски комбинат“ врши откуп по реални цени и води сметка за маката на тутунарите. Сите други откупувачи ги манипулираат тутунарите и си поигруваат со нивниот труд, настојувајќи да го откупат родот за м��лку пари“, реагираат прилепските производители.

Протестите, според најавите, ќе се одржат во сите региони каде што има масовен број тутунопроизводители. (Мн.Т.)