Руни бара еден милион повеќе од Роналдо

Опсесија на Вејн Руни, пишува шпанска „Марка“ е да биде најплатен професионалец во светот. Информацијата очигледно доаѓа од Реал кој долго време го има на својот радар репрезентативецот на Англија.

„Марка“ тврди дека Руни бара годишна плата од 14 милиони евра, точно еден милион повеќе од онаа на Кристијано Роналдо.

Додека во Манчестер Ј, со кого има договор до 2012 година, Руни тие пари сигурно не може да ги заработи, во Мадрид ќесето е пополно. Претседателот Перез и тренерот Мурињо не би се двоумеле.

„Марка“ додава дека проблем може да претставува тоа што Руни не сака да му ги препушти на клубот 50 отсто од правата на маркетингшко експлоатирање на името. Сето тоа, додава „Марка“ се подготвени да го испочитуваат во Манчестер Сити.

Завчера вечер пред мечот на Манчестер Ј. со Бурсаспор (1:0, стрелец Нани) Руни изјави дека сигурно ќе си замине. „Се сретнав со директорот Дејвид Гил и тој не ми даде гаранции за договорот кој го сакам. Тогаш не му кажав дека нема да потпишам продолжување. Кон Манчестер секогаш сум чувствувал почит. Тоа е голем клуб со голем традиција. Минав шест прекрасни години. Секогаш ќе му должам на Алекс Фергусон. Тој ме доведе од Евертон како 18- годишно момче. Би сакал да остане на клупата вечно, бидејќи е единствен и генијален“, смета Руни.