Македонија ќе биде четвртата земја во Европа каде што купувачите ќе можат да ја користат новата гарантна услуга на LG Electronic, LG Zero Pixel гаранција. Услугата се однесува за монитори и телевизори од новата генерација LCD лед-монитори. Доколку купувачот утврди дека новиот монитор има пиксел со грешка, тогаш во рок од 72 часа по купувањето, може да го замени мониторот за нов. Ова е практика на LG, иако, според Законот за заштита на потрошувачи на ЕУ, компанијата не е обврзана да го замени оштетениот производ, туку само да го поправи.
Како што истакна претставникот на LG за регионот, Тибор Хладни, новата гарантна програма овозможува дополнителна сигурност на потрошувачите при купување. Новите монитори ќе се продаваат по цена од 7.800 до 12.500 денари. Од компанијата најавија дека во периодот мај - јуни на пазарот во Македонија ќе ги пристигнат и 3-Д лед-мониторите на LG, кои се први од таков вид во светот, презентирани пред околу еден месец . (М.П.)
