Гутерес во посета на бегалците на Лампедуза

Високиот комесар на ОН за бегалци, Антонио Гутерес, пристигна на италијанскиот остров Лампедуза. Повеќе од 40.000 бегалци, вклучувајќи и голем број Либијци, пристигнаа на овој мал остров, честопати патувајќи со преполни и небезбедни бродови. Некои бегаат од насилството во Северна Африка, додека многумина видоа можност за влез во ЕУ. Актерката Анџелина Џоли, исто така, е во посета на Лампедуза, каде што има 5.000 жители, како амбасадор на „Добра волја“ на ОН.

Посетата на Гутерес на Лампедуза е со цел сам да ги види условите во кои се наоѓаат емигрантите. Илјадници лица се испратени во камповите на италијанско копно, што доведе до политички спор со други ЕУ-земји, кои, пак, стравуваат дека емигрантите би можеле да ги преминат нивните граници. Други, пак, се испратени назад во Тунис. (Би-Би-Си)