„Македонија и Обединетите нации“ oд д-р Срѓан Керим
Публикацијата „Македонија и Обединетите нации“ од д-р Срѓан Керим, претседател на 62-то заседание на Генералното собрание на Обединетите нации, го содржи обраќањето на д-р Керим пред членовите на МАНУ, а претставува прва објава од едицијата „Предавања“, што МАНУ ги смета за особен интерес и ќе ги објавува во иднина. Во своето излагање д-р Керим меѓу другото се осврнува на начините на кои треба да биде зачуван културниот идентитет и другите особености на малите народи и држави, вклучително и Република Македонија, бидејќи „тоа е за неа од егзистенцијално значење, имајќи ја предвид нејзината клучна определба да членува во евроатлантските организации.“ |
